Skip to main content

*= रंगतदार कवी संमेलन कार्यक्रम

 
*उरण- बोकड वीरा येथील श्री भ. पो. म्हात्रे. (गुरुजी) यांच्या निवासस्थानी गणपती निमित्त १०/०९/२०२४ रोजी निमंत्रित कवींच्या कवी संमेलनचा कार्यक्रम मोठ्या उत्साहात पार पडला. सदर कार्यक्रमास माननीय- मारुती सिंधू बागडे. (कर्जत), हरिश्चंद्र माळी (चिर्ले-उरण), गज आनन म्हात्रे. (करावे- नवी मुंबई), राम म्हात्रे. (उरण), सुचित्रा कुंचमवार. (नेरूळ- नवी मुंबई), अरुण द. म्हात्रे. (जासई- उरण), अनिल मुनघाटे. (नवी मुंबई), अशोक कुंचमवार (नेरूळ- नवी मुंबई) आणि भ. पो. म्हात्रे. उपस्थित होते.* 
            *सुपरिचित कवी गायक- मा. अरुण द. म्हात्रे. यांच्या मधुर आवाजात गणेश वंदनाने कार्यक्रमाची सुरुवात झाली. त्यानंतर दोन कवींच्या कविता आणि कवी/गायक- अरुण द. म्हात्रे. व भ.पो. म्हात्रे गुरुजी यांची सून गायिका- सौ. सोनाली म्हात्रे. यांचे सुमधुर गीत गायन अशा क्रमाने पहिली फेरी पूर्ण झाली. तदनंतर चहा- पाणी- नाश्ता- गप्पागोष्टी करून दुसऱ्या फेरीस सुरुवात करण्यात आली. दुसऱ्या फेरीच्या सुरुवातीस बासरी वादक- अरुण द. म्हात्रे. यांनी बासरीवर तीन/चार भक्ती गीते वाजवून उपस्थितांना मंत्रमुग्ध केले. आणि पहिल्या फेरीप्रमाणेच दुसरी फेरी पूर्ण झाली. श्री. भ.पो. म्हात्रे गुरुजी आणि परिवार यांनी सर्व उपस्थितांचा शाल, श्रीफळ,  पुष्प देऊन आदराने सत्कार केला. कार्यक्रमाचे उत्तम सूत्रसंचालन मा. सुचित्रा कुंचमवार यांनी केले. तसेच सदर कार्यक्रमाचे आयोजन मा. भ. पो. म्हात्रे गुरुजी व अरुण द. म्हात्रे. यांनी आखीव - रेखीव केले. शेवटी अरुण द. म्हात्रे यांच्या सुमधुर भैरवी गायनाने कार्यक्रमाची सांगता झाली. अशाप्रकारे गणेशाच्या कृपाशीर्वादाने सदर कवी संमेलन आणि कार्यक्रम एक वेगळा आनंद देऊन गेला.*

Comments

Post a Comment

Popular posts from this blog

आनंद या जीवनाचा सुगंधापरी दरवळावा पाव्यातला सूर जैसा ओठातीन ओघळावा

  आख्खा जीवनपट मंडणार हे गीत ऐकून अंगाला शहारे आणतात. माणसाने माणसाशी कसे वागावे बोलावे आदर सन्मान करावा जीवन सार्थकी लावावे मनुष्य जन्म एकदाचं मिळतो त्याचं सोनं करावं आनंदी राहावं आनंदी जगावं त्या जगण्याचा वागण्याचा सुगंध सगळंकडे पसरावा  आपल्या जीवनाची इतरांना प्रेरणा मिळावी माणूस घडावा माणुसकीचा सुगंध दरवळात राहावा.          बासरीचे मधुर सूर जसे ओठातून ओघाळतात आणि ऐकणारा मंत्रमुग्ध होतो तसंच मंत्रमुग्ध होऊन जगता यायला हवं.  झिजुनी स्वतः चंदनाने दुसऱ्यास मधुगंध द्यावा  हे जानता जीवनाचा प्रारंभ हा ओळखवा  स्वतः चांदनासारखे झिजून दुसऱ्याला सुख द्यावे दुसऱ्याच्या सुखाचा विचार करावा स्वतःसाठी सगळेच जगतात इतरांसाठी जगता आलं पाहिजे मन जानता आलं पाहिजे जीवन जरी स्वतःच असलं तरी ते दुसऱ्याला अर्पण करावे त्यांना दुःखातून बाहेर आणून आनंद द्यावा.             हे सगळं जाणून जीवनाचा प्रारंभ म्हणजे जीवनाची सुरवात ओळखावी आपण कुठल्या कार्यासाठी आलो आहोत काय पूर्ण करायचे हे ओळखून कर्तृत्व करलायला हवे जीवन फार सुंदर...
Post a Comment
Read more

*27 वर्षांनंतर मिळाले तिला तिचे हरवलेले हक्काचे घर*

घर एक आनंद,सुरक्षेचे आध्यात्मिक स्थान. नातेवाईकांकडून मिळणारे प्रोत्साहन, आई-वडिलांकडून मिळणारे निस्वार्थी प्रेम भावंडाकडून मिळणारी माया आणि लुटुपुटूची भांडणे सर्वांना हवेहवेसे वाटणारे हक्काचे स्वर्गाचे दार म्हणजेच घर. घर ही केवळ एक जागा नाही तर त्यात आपुलकीची भावना आहे ज्यात मार्गदर्शन,सौख्य, प्रेम, समर्पण, एकता उत्साहाचा संगम घडून येतो.     पण काहींच्या नशीबी मात्र यापासून खूप काळ दूर होणे येते पण त्याची त्या निरागस मनाला जाणीव देखील होत नाही.     होय! अशीच एक मनोरुग्ण... मनोरुग्ण म्हणून समाजात ज्यांना हिणवले जाते त्यांच्या मनाचा, त्यांना वाटणाऱ्या भावनांचा विचार केला जात नाही. खरेतर जसा शरीराला आजार जडतो तसाच हा मनाला जडणारा आजार जो योग्य औषधोपचार,समुपदेशन आणि मायेच्या माणसांच्या सानिध्याने त्यांच्या प्रेमाने बरा होतो. पण यावर अजूनही हवी तेवढी जनजागृती झाली नाही. तर अशीच एक मनोरुग्ण मुसम्मा नॉट known 27 वर्षापुर्वी ही आर्थर रोड जेल मधुन अंडर  ट्रायल म्हणून माननीय न्यायाधीश  विक्रोळी कोर्ट यांच्या आदेशाने  जेल प्रशासनामार्फत मनोरुग्णालयात...
Post a Comment
Read more

*डॉ. ज्ञानेश्वर मुळे यांना मानाचा चिंतामण देशमुख राष्ट्रीय पुरस्कार २०२४ प्रदान*

सरहद पुणे आयोजित अखिल भारतीय साहित्य मंडळाचे १८ वेळ अखिल भारतीय साहित्य संमेलन २०२५ दिल्ली येथे आयोजित करण्यात आले आहे. त्या निमित्ताने भारताचे माजी अर्थमंत्री महाराष्ट्राच्या दिल्लीतील अस्मितेचे प्रतिक आदरणीय *चिंतामणराव देशमुख मानाचा राष्ट्रीय पुरस्कार २०२४* मा. डॉ. श्री ज्ञानेश्वर मुळे, माजी सचिव परराष्ट्र मंत्रालय, सदस्य राष्ट्रीय मानवाधिकार आयोग तसेच अध्यक्ष अभिजात भाषा पाठपुरावा समिती तसेच आंतरराष्ट्रीय मराठी मंचचे मुख्य समन्वयक यांना दि. १६ ऑक्टोबर २०२४ रोजी सायंकाळी ६.३० वाजता दिल्ली येथे मां. नितीन जी गडकरी, केंद्रीय रस्ते वाहतूक आणि महामार्ग मंत्री यांच्या शुभहस्ते प्रदान करण्यात आला. कार्यक्रमाच्या अध्यक्षस्थानी मा. एन. एन. व्होरा, माजी राज्यपाल, जम्मु काश्मीर होते. डॉ. श्री ज्ञानेश्वर मुळे सरांचा गौरव म्हणजे त्यांनी तळागाळातील लोकांसाठी तन मन धनाने केलेल्या कार्याचा गौरव आहे. श्री मुळे सरांचे शेती, शिक्षण क्षेत्र, महिला सक्षमीकरण, प्रदेशातील भारतीयांसाठी संकटकाळी दिलेला हात, मराठी भाषेला अभिजात दर्जा मिळविण्यासाठी केलेले प्रयत्न आणि त्याला मिळालेले फळ अशा एक ना ...
Post a Comment
Read more