राज्यस्तरीय तिफण कविता महोत्सव स्वागताध्यक्षपदी गणेश घुगे

कन्नड: ( प्रतिनिधी ) त्रैमासिक तिफण व भाषा साहित्य, संस्कृती आणि संशोधन परिषद शाखा कन्नड यांच्या वतीने श्रीक्षेत्र भगवानगड मेहगाव ता. कन्नड येथे आयोजित सातव्या तिफण राज्यस्तरीय कविता महोत्सवाच्या स्वागताध्यक्ष पदी साहित्यप्रेमी, युवानेते गणेश घुगे यांची एकमुखाने निवड करण्यात आली आहे. ग्रामीण भागातील नवोदित कवी, साहित्यिक, लोककलावंत यांना राज्यस्तरीय व्यासपीठ मिळून प्रोत्साहन देण्यासाठी दरवर्षी राजमाता जिजाऊ व क्रांतीज्योती सावित्रीबाई फुले यांच्या जयंतीनिमित्त तिफण राज्यस्तरीय कविता महोत्सवाचे आयोजन करण्यात येते. आता पर्यंत कन्नड तालुक्यातील वाकी, हतनूर, बहिरगाव, कन्नड, तेलवाडी आदी ग्रामीण भागांत तिफण कविता महोत्सव घेण्यात आले आहेत. 

तसेच दरवर्षी तालुक्यातील जेष्ठ साहित्यिकांना तिफण साहित्य सन्मान देऊण गौरविण्यात येते. या वर्षी पासून राज्यस्तरीय तीन साहित्य, कविंना ही पुरस्काराने सन्मानित करण्यात येणार आहे. 2025 मध्ये आयोजित राज्यस्तरीय तिफण कविता महोत्सव नियोजनार्थ दि. 10 आक्टोंबर रोजी शिवाजी महाविद्यालय कन्नड येथे प्राचार्य डॉ. विजय भोसले यांच्या मार्गदर्शनाखाली परिषदेचे ज्येष्ठ मार्गदर्शक तथा तालुका वकील संघाचे अध्यक्ष ॲड कृष्णा पाटील जाधव यांच्या अध्यक्षतेखाली बैठक घेण्यात आली. या बैठकीत ॲड कृष्णा पाटील जाधव, प्रा. रंगनाथ लहाणे, कविता महोत्सवाचे संयोजक तिफणकार डॉ. शिवाजी हुसे यांनी मार्गदर्शन केले. 

बैठकीत श्री क्षेत्र भगवान गड मेहगाव ता. कन्नड येथे कविता महोत्सव आयोजित करणे, तसेच स्वागताध्यक्ष पदी गणेश घुगे यांची सर्वानुमते निवड करण्यात आली. यावेळी गणेश घुगे यांचा सत्कार करण्यात आला.

याप्रसंगी , डॉ. रामचंद्र झाडे,भाषा साहित्य संस्कृती संशोधन परिषद कन्नड शाखे चे कार्याध्यक्ष संदिप ढाकणे, अध्यक्ष प्रविण दाभाडे, सचिव अरुण थोरात, कवियत्री शुभदा देवरे, अनिता राठोड, श्रीराम दापके, सुरेश औटे, लक्ष्मण वाल्डे, संदिप वाकडे, शिवनाथ गायकवाड आदींची उपस्थिती होती.