*एक सुविचार***************

*मूलतः देवदत्त निसर्गच मुक्त बेबंध आहे .नयनरम्य सुंदर प्रसन्न असा त्याचा सदैव समतोल सांधणारा आविष्कार आहे. हे सत्य आपण पाहतो आहोत.*

*मी तर म्हणतो मग सात्विक , नैतिक विचारांना कशाला हवीत बंधने..?* *सर्वांनीच आपली नैतिक विचारधारा प्रामाणिकपणे विवेकाने जपत जगत रहावं त्यात खरे आत्मसुख आहे असं मला वाटतं..!*

*अगदी मुक्तमोकळं कुणालाही न दुखवता जीवनात व्यक्त होत जगत रहावं..!* *हा निर्मोही संस्कार आहे तिथेच तर देवत्व , संतत्व प्रत्ययास येत असते.* 

*आपल्या मनांतरात सर्वच प्राणिमात्रांच्या बाबतीत निर्मळ प्रीत, मैत्रभावनां जागृत ठेवून अगदी सहज प्रत्येकाच्या मनात राहण्याचा शाश्वत विचार करावा हेच सत्कर्म आहे.  हेच खरे संचित  आहे.*

*आपलं जीवन जगताना , आपले सुखावणारे छंद जोपासताना आपण आपल्या आत्म्याशी प्रामाणिक राहून हवं तसं स्वान्तसुखाय जगत रहावं , तसंच ऋणानुबंधी नातीही , मैत्र सदैव जपत रहावित.*

*सत्कर्माची सत्शील कास धरून जीवन अंगीकारताना हृदयस्थ विवेकी भावनांचे भान ठेवून स्वानंदे जगावं.*

*कुणाला आवडो वा ना आवडो..!*

मुक्त जगावं , मुक्त रहावं , मुक्त फिरावं , मुक्त चिंतनशील जीवनाचा रसास्वाद घ्यावा... मुक्त लिहावं.... गाणं गावं.... गुणगुणावं..  प्रत्येक क्षणी  तृप्त आणि मुक्त आनंदात " *हरफन मौला सारखे जगावं रहावं..!!!*

*पण हे असं जगणं फक्त , निरपेक्ष , निष्काम , निर्मळ, प्रामाणिक व्यक्तिमत्वाला साध्य होते. हे सत्य दृष्टांती वास्तव आहे.*

*जन्म मृत्यू हा एक सुंदरसा प्रवास आहे तो प्रत्येक जीवाला करावाच लागतो*

*प्रत्येक धर्मातील संस्कार आणि शिकवण ही मानव कल्याणकारी उपासनाच असते हे आपणच जाणले पाहिजे. त्या अनामिक , अदृश्य ,अगाध शक्तीवर विश्वास ठेवलाच पाहिजे.*

*प्रारब्ध , कर्म , कर्मभोग , सुखदुःख या गोष्टी अटळ आहेत. या बाबतीतचे अनेक दृष्टांत हे आजही सर्व प्राचीन अध्यात्मिक धर्मग्रंथातुन आढळतात.*

*त्याचे चिंतन , मनन , वाचन , पठण जर केले तर जीवनाची अर्थपूर्ण सत्यता जाणवल्या शिवाय रहात नाही. म्हणून जीवनाकडे अंतर्मुख होवून " असुया वृत्ती , द्वेष , तिरस्कार या भावनांचा " त्याग करून आपली वाटचाल सहृदयतेने करावी हेच आपल्या हाती असते.*

*भारतीय संस्कृती , ही सर्वधर्मीय संस्कार , धर्म , पंथ , ग्रंथ म्हणजे प्रणित असे विधायक मानवी संस्कृतीचे आद्यगुरू आहेत आणि ते सर्वच ग्रंथ सुजाण , सुसंस्कारित  माणूस घडवत असतात.* आणि त्यातूनच जीवनाची , *नैतिक जीवनमूल्ये प्रत्ययास येतात आणि " *इदं न मम* " *हा जीवनाचा गर्भित अर्थ कळून चुकतो.*

*मृत्यू हे जीवनातील अत्यन्त सुंदर सत्य आहे त्याची चिंता कशाला करायची . तो तर अटळ आहे*

मी तर म्हणतो ....

*माणसानं माणूस म्हणून निरपेक्ष जगावं , अपपर भाव त्यजावा , मनी परस्पर निःस्वार्थी प्रीतभाव जपावा. म्हणजे जीवनाच्या सत्यफलश्रुतीची अनुभूती येते आणि जन्म कृतार्थ होतो.*

"  *म्हणूनच जगतगुरु संत तुकाराम म्हणतात* ...

*ठेविले अनंते तैसेची रहावे ।। चित्ती असु द्यावे समाधान।।*

*तर ज्ञानेश्वरी माऊली आपल्या पसायदानात सर्व सृष्टीसाठी भगवंता जवळ प्रार्थना करतात की..* 

"  *जो जे वांछिल ते ते लाहो प्राणिजात* ।।

*तर राष्ट्रसंत प.पू. रामदास स्वामी यांनी आपल्या मनाच्या श्लोकात....*

*  " *मना सज्जना भक्ती पंथास जावे* ।।

* *तरी श्रीहरि पाविजे तो स्वभावे* ।।

* *जनी निंद्य ते सर्व सोडुनी द्यावे* ।।

* *जनी वंद्य ते सर्व भावे करावे* ।।

* *असा उपदेश प.पू. समर्थ रामदास करतात.*

*( सदैव सत्कर्म करीत रहावे )*

*सर्वच संतांचे वाङ्मय हे सात्विक विचारांचे निरामय ,  निराकार* *अनामिक , अदृश्य अशा भगवंताचे , भक्तिभावाचे , श्रद्धेचे विधायक वैचारिक शब्दरूप आहे. त्यातून* *त्या सत्य विश्वात्म्याची प्रचिती येते.*

*त्यासाठी अगाध श्रद्धाभक्ती असणं महत्वाचं आहे.*

*जीवन क्षणभंगुर आहे* याची जाणीव असावी.

*या सृष्टीत भगवंता पेक्षाही आपल्या प.पू. जन्मदात्यांचं नातं हे सर्वात श्रेष्ठ असं नातं आहे. याची जाणीव असणं हीच आपल्या जन्मातील कृतज्ञ कृतार्थतेची खरी सांगता आहे.*

*आपल्याला भेटलेले गुरू , सद्गुरू हे आपल्या जीवनातील मार्गदर्शक आहेत  ते आपले आहोभाग्य आहे.*

*उपकार कर्त्याच्या ऋणात रहावं त्याच कधी विस्मरण होणार नाही याची दक्षता घ्यावी.*

" *येवो मृत्यू .. मी तर कुणाच्या ऋणात न रहाणारा मुक्तमस्त कलंदर..आहे !!  " तेंव्हा देवा मी तुझी दोन्ही बाहू पसरून वाट पहातो आहे . हा निःस्वार्थी सात्विक विचार जागृत ठेवून आपण प्रत्येक क्षण जगत रहावं..!!*"  *कधीच कुठल्याही बंधनात न रहाता स्वतःची अस्मिता सांभाळत आनंद देत, देत , आणि घेत , घेत प्रारब्धाच्या वास्तवाला अलवार झेलत मानवतेचा खरा वसा स्वीकारून प्रेमभावनां रुजवित जगावं.*

*जगत रहावं अस मला वाटतं .!!!* "

*इति लेखन सीमा*

*दिनांक:- 13 ऑगस्ट 2024*

*वि.ग.सातपुते (विगसा) पुणे*

*अध्यक्ष : महाकवी कालिदास प्रतिष्ठान*

*पुणे , मुंबई , ठाणे , मराठवाडा ( महाराष्ट्र )*

*( 9766544908 )*