सोमवार दिनांक 9 सप्टेंबर 2024 पासून पंढरपूर येथील टिळक स्मारक मैदानात एसटी आरक्षण अमंलबजावणी करिता शेकडो धनगर समाजातील बांधव राज्य व्यापी आमरण उपोषणाला बसणार आहेत.डा.बाबासाहेब आंबेडकर यांनी धनगर समाजाला संविधानामध्ये एसटी आरक्षण दिलेले असून ही गेल्या 75 वर्षांपासून धनगर समाज एसटी आरक्षणापासून वंचित आहे.काही बोटावर मोजणारे नेते प्रत्येक पक्षाच्या सोबत जाऊन त्या पक्षाने अख्खी धनगर जमात वेठीस धरली आहे.आतापर्यंत जमातीला हाताशी धरून नेते मोठे झाले आहेत.पण आता जमात मोठी आहे समजून संघटित पणे आंदोलन करुन सरकारला परिपत्रक काढायला भाग पाडू.या उद्देशाने सकल धनगर जमातीतील सुशिक्षित तरुण, सामाजिक कार्यकर्ता, आणि उपोषण करणारे यांनी ना पक्ष ना नेता, जुनेच काम नव्या दमाने करायचे ठरवून एकत्र येऊन पंढरपूर मध्ये 9 सप्टेंबर रोजी शेकडो धनगर समाज बांधव राज्य व्यापी आमरण उपोषणाला बसणार आहेत.सोडा मतभेद सोडा विचार भेद , एकदा समाजासाठी संघटित होऊ या ,अभि नहीं तो कभी नहीं,असे आवाहन सकल धनगर जमात महाराष्ट्र राज्य यांनी केले आहे.
भारत कवितके मुंबई कांदिवली पश्चिम
Comments
Post a Comment