एसटी आरक्षण अमंलबजावणी करिता धनगर समाजाची आक्रमकता वाढत आहे...... पत्रकार भारत कवितके.

भारत कवितके मुंबई कांदिवली 

 सोमवार दिनांक 9 सप्टेंबर 2024 पासून पंढरपूर येथील टिळक स्मारक मैदानात एसटी आरक्षण अमंलबजावणी करिता धनगर समाजाचे 6 मल्हार यौध्दे (समाज बांधव) आमरण उपोषणाला बसले आहेत, त्यानंतर लातूर, नेवासा या ठिकाणी ही धनगर समाज बांधव उपोषणाला बसले आहेत.धनगर समाजाची एसटी आरक्षण अमंलबजावणी करिता आक्रमकता दिवसेंदिवस वाढत चालली असल्याचे मुंबई कांदिवली पश्चिम येथील धनगर समाजाचे पत्रकार भारत कवितके यांनी एका मुलाखतीत सांगितले आहे.मुख्यमंत्री एकनाथजी शिंदे सरकार जरी सकारात्मक असेल तरी कायद्याच्या चौकटीत टिकणारे एसटी आरक्षण अमंलबजावणी करण्याची तयारी दाखवली आहे.त्या करिता कमिटी स्थापन करुन लवकरच निर्णय घेतला जाईल.असे कळविले आहे.पण आमरण उपोषणाला बसलेल्या समाज बांधवांनी हातात एसटी आरक्षण अमंलबजावणी प्रमाणपत्र पडल्याशिवाय उपोषण मागे घेतले जाणार नाही.असा निर्णय घेतला आहे.आमरण उपोषण, लाक्षणिक उपोषण, तहसीलदार यांना निवेदन देणे, उपोषण स्थळी विष प्राशन करून करणे, आत्मदहनाचा प्रयत्न करणे, समाजातील महिला विश्रांती ताई भुषनर यांनी उपोषण स्थळा पासून थोड्या अंतरावर असलेल्या पाण्याच्या टाकीवर चढून शोले सिनेमा स्टाईल आंदोलन केले,व आंदोलनास पाठिंबा दिला, आमदार खासदार यांच्या कडून पाठिंबा आहे किंवा नाही याबाबत त्यांच्या घरी जाऊन ढोल किंवा इतर वाद्य वाजवून त्यांचा व्हिडिओ काढणे, पाण्यामध्ये जलसमाधी चा सरकारला इशारा देणे,व सोमवार दिनांक 23 सप्टेंबर 2024 रोजी राज्यातील गावा गावात, तालुका, जिल्हा या ठिकाणी भव्य रास्ता रोको आंदोलन करण्यात येणार आहे, सरकारने जर लवकरात लवकर एसटी आरक्षण अमंलबजावणी केली नाही तर धनगर समाज आपल्या आंदोलनाची तीव्रता आणखी वाढवेल,असा इशारा पंढरपूर येथील टिळक स्मारक मैदानात उपोषण स्थळी प्रा.यशपाल भिंगे सरांनी दिला आहे.सकल धनगर समाज महाराष्ट्र राज्य, आमदार गोपीचंद पडळकर,व उपोषण कर्त्यानी रास्ता रोको आंदोलन करुन सरकारवर दबाव वाढवावा.असे आवाहन राज्यातील तमाम धनगर समाज बांधवांना केले आहे.