*रस्ता दुरुस्ती मागणीसाठी पत्रकारच उतरले रस्त्यावर*

    जळगाव [ राजेंद्र चौधरी ] :-  रस्त्याच्या दुरुस्ताची सतत मागणी करुन व संबंध अधिका-यांनी लेखी आश्वासन देऊनही रस्त्याच्या कामाकडे सातत्याने दुर्लक्ष होत असल्याने रस्त्याच्या दुरुस्ती व रस्त्याच्या आजूबाजूला पाणी वाहून जाण्यासाठी सिमेंट गटारींच्या मागणीसाठी जळगाव जिल्ह्याच्या सावदा व सावदा परिसरातील पत्रकारांनाच जनहितार्थासाठी अक्षरशः रस्त्यावर उतरुन रस्ता रोको आंदोलन दुसऱ्यांदा करावे लागले. लोकशाहीचा चौथा स्तंभ म्हणून ओळखल्या जाणाऱ्या जनहितार्थ रस्त्यावर उतरुन लोकशाहीच्या मार्गाने आंदोलन करावे लागले.

      ब-हाणपूर अंकलेश्वर महामार्गावर खड्ड्यांमुळे चाळणी झाली असून प्रकल्प अधिका-यांच्या सांगण्यावर अभियंता चंदन गायकवाड यांनी गेल्यावर्षी जळगाव जिल्ह्यातील सावदा येथे झालेल्या पत्रकारांच्या उपोषणावेळी लेखी आश्वासन दिल्यानंतर सदर रस्त्याच्या दुरुस्तीचे काम पूर्ववत न झाल्याने ८ आँक्टोबर मंगळवार रोजी रावेर तालुक्यातील सावदा येथे ताप्ती सातपुडा जर्नलिस्ट फाऊंडेशन व  पत्रकारांच्या वतीने दुसऱ्यांदा सावदा येथे आठ तासांचे रस्ता रोको आंदोलन चालले. प्रकल्प अधिकारी शिवाजी पवार व रावेरचे तहसीलदार बंडू कापसे यांच्या उपस्थितीत सहाय्यक पोलीस निरीक्षक विशाल पाटील यांच्यासमोर ठेकेदार यांनी प्रत्यक्ष महामार्गाच्या कामाला सुरुवात केल्यानंतर व हे काम दीड महिन्यात करु असे सांगितल्यानंतर रस्ता वाहतुकीसाठी सुरळीत खुला करण्यात आला.

       शहादा, तळोदा, शिरपूर, चोपडा, यावल, रावेर तालुक्यातून मध्यप्रदेश सीमेपर्यंत या राष्ट्रीय महामार्ग क्रमांक ७५३ बि इ यावर २३२ किलोमीटर वरती खराब झालेल्या भागाच्या दुरुस्ती व रस्त्याच्या नव्याने डांबरीकरणासाठी ८२ कोटी रुपये मंजूर झाले असून या कामासाठी काम केले नसल्याने व ताप्ती सातपुडा जर्नलिस्ट फाऊंडेशनला आँक्टोबर २०२३ मध्ये लेखी आश्वासन दिले असूनही काम न झाल्यानेपुन्हा चोपडा ते रावेर पर्यंत मोठशमोठे खड्डे रस्त्यात पडले आहेत. काही ठिकाणी पावसाचे रस्त्यावरुन वाहून जाण्यासाठी सिमेंटची गटार नसल्यामुळे ब-याच वेळा येथे वाहनांचे अपघात होत असल्याच्या घटना घडल्या आहेत.सतत मागणी करुनही रस्ता दुरुस्तीचे काम होत नसल्याने व रस्त्याची समस्या दूर करण्यासाठी सावदा व सावदा परिसरातील पत्रकारांनाच जनहितार्थासाठी अक्षरशः रस्त्यावरच उतरण्याची दुसऱ्यांदा वेळ आली. 

      रस्ता रोको आंदोलनात रावेर यावल सर्व पत्रकार संघटना सहभागी झाले होते. रावेरचे आमदार शिरीष चौधरी यांनी आंदोलनाला पाठिंबा दिला. युवानेते धनंजय चौधरी. वंचित आघाडीच्या जिल्हाप्रमुख शमीभा पाटील, सावदा येथील माजी नगराध्यक्ष राजेंद्र चौधरी यांनीही रस्ता रोको आंदोलनात सहभाग घेऊन पाठिंबा दिला. दरम्यान प्रकल्प अधिकारी रस्ता रोको आंदोलना ठिकणी आल्याशिवाय व काम पूर्ववत सुरु झाल्याशिवाय रस्ता सुरळीत करणार नसल्याचे पत्रकारांनी सांगितल्यानंतर प्रकल्प अधिका-यांना धुळे येथून यावे लागले व स्वतः आल्यावर ठेकेदार, प्रकल्प अधिकारी व अभियंता यांच्या लेखी आश्वासनानंतर काम सुरु झाले. सदर काम दीड महिन्यात पूर्ण करु असे आश्वासन दिल्यानंतर हा रस्ता वाहतुकीसाठी मोकळा करण्यात आला. लोकशाहीचा चौथा स्तंभ म्हणून ओळखल्या जाणाऱ्या पत्रकारांनाच रस्त्यावर  दुसऱ्यांदा आंदोलनासाठी उतरावे लागले.