३ डिसेंबर रोजी महाराजा यशवंतराव होळकर (प्रथम) यांच्या २४८ व्या जयंती निमित्त विनम्र अभिवादन भारत कवितके....

भारत कवितके मुंबई कांदिवली पश्चिम.

  ३ डिसेंबर २०२४ रोजी महाराजा यशवंतराव होळकर ( प्रथम) यांच्या २४८ व्या जयंती निमित्त विनम्र अभिवादन करण्यात येणार असल्याचे मुंबई कांदिवली पश्चिम येथील धनगर समाजाचे पत्रकार साहित्यिक गीतकार सामाजिक कार्यकर्ता भारत कवितके यांनी कळविले आहे.महाराष्ट्र राज्यातील विविध ठिकाणी महाराजा यशवंतराव होळकर यांच्या जयंतीनिमित्त विनम्र अभिवादन कार्यक्रम आयोजित करण्यात आलेले आहेत, पुणे जवळील वाफगाव किल्ले या ठिकाणी ३डिसेंबर १७७६ साली महाराजा यशवंतराव होळकर यांचा जन्म झाला, त्यांच्या वडिलांचे नाव तुकोजी होळकर होते,आईचे नाव यमुनाबाई होते, यमुनाबाई या तुकोजी होळकर यांच्या दासी होत्या.काशिराव, मल्हारराव, आणि विठोजीराव हे महाराजा यशवंतराव होळकर यांचे थोरले बंधू.६जानेवारी १८०५ साली राज्याभिषेक सोहळा करून त्यांनी होळकर मराठा साम्राज्याची स्थापना केली आणि ते पहिले महाराजा झाले.महाराजा यशवंतराव होळकर हे एक कर्तबगार वीर पुरुष होते.भारतीय स्वातंत्र्याचे प्रणेते,संकटाची वादळे, युध्दाचा सतत झंझावात,सतत विजयाची आस, स्वातंत्र्याची आस, विश्वासघात सहज पचवून पुढे जाण्याची तयारी, अफाट नेतृत्व क्षमता, पराकोटीचे युद्ध कौशल्य, नितांत दुर्दम्य आशावाद प्रयत्नाची निराशा न केलेली पराकाष्ठा, क्षमाशीलता, शस्त्रूची क्रूरता, असे सर्व गुण एकत्र असणारा मराठा यौध्दा व राज्यकर्ता यशवंतराव होळकर होता, इंग्रजांचा त्यांनी अठरा वेळा पराभव करून सळो की पळो करून सोडले होते.अशा शूर वीरचा मृत्यू २८ आक्टोंबर १८११ मध्ये मध्य प्रदेश मधील भानपुरा येथे झाला.