अनिका पिकॅडिली मध्ये शिव जन्मोत्सव सोहळा संपन्न

पुनावळे बाजार, पुनावळे, पुणे-

हिंदुस्थानचे आराध्यदैवत छत्रपती शिवाजी महाराजांच्या ३९५ व्या जयंती निमित्त अनिका पिकॅडिली रहिवासीयांनी सुंदर असा शिव जन्मोत्सव सोहळा आयोजित केला. सायंकाळी ज्येष्ठ नागरिकांच्या हस्ते शिव पूजन करण्यात आले.छत्रपतींची आरती करण्यात आली.तदनंतर शिव जन्मोत्सव सोहळा साजरा झाला.

छत्रपती शिवाजी महाराजांच्या जीवनाबद्दल अनेकांनी मनोगत व्यक्त केले. "राजं आलं, राजं आलं", अनुज अभिजित ढोली याने यावर नृत्य सादर केले. सौ. माधुरी वैद्य कुमठेकर यांनी ज्येष्ठ कवी बाबू

डिसोजा कुमठेकर यांनी लिहीलेली छत्रपती शिवराय यांच्यावरील गौरवपर रचना म्हटली. लहान मुलामुलींची चित्रकला स्पर्धा झाली.

युवा व्याख्याते श्री शुभम मोरे यांनी छत्रपती शिवाजी महाराजांच्या जीवनावर आधारित व्याख्यानाने श्रोत्यांना खिळवून ठेवले. ते एका खाजगी कंपनीत सॉफ्टवेअर डेव्हलेपर म्हणून काम करतात. व्याख्यानाच्या मानधनातून ते गड किल्ले यांची स्वच्छता आणि संवर्धन काम करतात. तसेच चिंचवड येथील गरजू विद्यार्थ्यांना शिक्षण पुरविण्याचे कार्य करतात. वयाच्या १६ व्या वर्षापासून ते महाराष्ट्रभर व्याख्याने देत आहेत. आय स्क्वेअर इट, संस्कृती रक्षक विद्यार्थी या पुरस्काराने ते दोनदा सन्मानित आहेत.

श्री. नितीन वाघ यांनी शिवाजी सावंत यांच्या श्रीमान योगी कादंबरी मधील शिवचरित्रामधील उतारे यांचे बहारदार अभिवाचन केले.

आमंत्रितांचा सन्मान करण्यात आला.

सोसायटीच्या कार्यकारिणी सदस्यांनी कार्यक्रम यशस्वी करण्यासाठी परिश्रम घेतले.

बाबू फिलीप डिसोजा कुमठेकर

9890567468

Comments

नीलपुष्प साहित्य मंडळाचे सहा साहित्यिकांना ठाणे भूषण ओतूर भूषण स्व. डॉ. नारायण तांबे स्मृति जीवनगौरव पुरस्कार २०२५ प्रदान

*प्रा. सुरेश गे डुंबरे लिखित ' मन पाखरू काव्य संग्रहाचे शानदार प्रकाशन..* ठाणे: दिनांक १ जून २०२५ रोजी आनंद विश्व गुरुकुल ठाणे येथील सभागृहात नीलपुष्प साहित्य मंडळाच्या ३० व्या वर्धापन दिनाच्या निमित्ताने आणि स्व. डॉ. नारायण तांबे यांच्या स्मृतिदिनानिमित्त नीलपुष्प साहित्य मंडळातील ज्येष्ठ साहित्यिक मंडळीना त्यांच्या सेवेची पोचपावती त्यांच्या कार्याचा गौरव म्हणून स्व डॉ नारायण तांबे यांच्या स्मृतिदिनानिमित्त एकूण सहा साहित्यिकांना स्व. डॉ नारायण तांबे जीवनगौरव पुरस्कार मान्यवरांच्या हस्ते प्रदान करण्यात आला. याप्रसंगी अध्यक्ष म्हणून राजेश साबळे ओतुरकर (ज्येष्ठ साहित्यिक) प्रमुख पाहुणे म्हणून मा. विष्णूपंत कोरडे (माजी सहाय्यक विक्रीकर आयुक्त मुंबई) मा. सुरेश डुंबरे (लेखक आणि समाजसेवक मुंबई) कार्यक्रमातील विशेष उपस्थिती मा. डॉ प्रविण डुंबरे (साहित्यिक पुणे) विजयराज बोधनकर,(ज्येष्ठ चित्रकार ठाणे) मा. संजय नलावडे (सुप्रसिद्ध स्तंभ लेखक मुंबई) रविंद्र आवटी (सामाजिक कार्यकर्ते मुंबई) मा. सुधाकर भालेराव (सामाजिक कार्यकर्ते मुंबई) प्रा. सुरेश डुंबरे (ज...

आनंद या जीवनाचा सुगंधापरी दरवळावा पाव्यातला सूर जैसा ओठातीन ओघळावा

आख्खा जीवनपट मंडणार हे गीत ऐकून अंगाला शहारे आणतात. माणसाने माणसाशी कसे वागावे बोलावे आदर सन्मान करावा जीवन सार्थकी लावावे मनुष्य जन्म एकदाचं मिळतो त्याचं सोनं करावं आनंदी राहावं आनंदी जगावं त्या जगण्याचा वागण्याचा सुगंध सगळंकडे पसरावा आपल्या जीवनाची इतरांना प्रेरणा मिळावी माणूस घडावा माणुसकीचा सुगंध दरवळात राहावा. बासरीचे मधुर सूर जसे ओठातून ओघाळतात आणि ऐकणारा मंत्रमुग्ध होतो तसंच मंत्रमुग्ध होऊन जगता यायला हवं. झिजुनी स्वतः चंदनाने दुसऱ्यास मधुगंध द्यावा हे जानता जीवनाचा प्रारंभ हा ओळखवा स्वतः चांदनासारखे झिजून दुसऱ्याला सुख द्यावे दुसऱ्याच्या सुखाचा विचार करावा स्वतःसाठी सगळेच जगतात इतरांसाठी जगता आलं पाहिजे मन जानता आलं पाहिजे जीवन जरी स्वतःच असलं तरी ते दुसऱ्याला अर्पण करावे त्यांना दुःखातून बाहेर आणून आनंद द्यावा. हे सगळं जाणून जीवनाचा प्रारंभ म्हणजे जीवनाची सुरवात ओळखावी आपण कुठल्या कार्यासाठी आलो आहोत काय पूर्ण करायचे हे ओळखून कर्तृत्व करलायला हवे जीवन फार सुंदर...

ग्रेट भेट - रानकवी 'तुकाराम धांडे' मराठी बालभारती पुस्तकातील कवी यांची

मंगळवार दिनांक २७ ऑगस्ट २०२४ आज आम्ही तिघे मित्र (विजय पिलकर जयराम पारधी आणि मी संतोष जाधव) सुप्रसिद्ध रानकवी *तुकाराम धांडे* सरांना भेटण्यासाठी त्यांच्या राहत्या घरी 'शेंडी' येथे गेलो. अहमदनगर जिल्ह्यातील हा परीसर निसर्गरम्य स्थळांनी प्रसिद्ध आहे.प्रसिध्द कळसूबाई शिखर, हरिश्चंद्रगड, कोकणकडा,भंडारदरा धरण,रंधा धबधबा, रतनगड,अलंगगड,मलंगगड,कुलंगगड अशा अल्हाददायक ठिकाणी शेंडी गावात धांडे सरांचं एक बंगलावजा घर आहे.या घरात धांडे सरांनी एक खोली सुरक्षित राखून ठेवली आहे.या खोलीला नाव दिलं आहे 'आईचं घर' या खोलीत त्यांच्या आईच्या साऱ्या आठवणी आहेत.या खोलीत त्यांनी लादी बसवलेली नाही.भिंतीला प्लास्टर केलेलं नाही.मस्त शेणाचं सारवण असलेल्या या खोलीत दगडाचं जातं आहे,दगडाचा पाटा वरवंटा आहे.मातीची काही भांडी आहेत.वेगवेगळ्या बरण्यांमध्ये शेतात येणारे वेगवेगळी कडधान्य व वेगवेगळ्या तांदळाचे प्रकार आहेत.दोन तीन प्रकारच्या भाकरीचं पिठ करुन ठेवलं आहे.काही बरण्यांमध्ये समुद्रात मिळणारी सुकी मच्छी बोंबील- सुकट असून एका बरणीत आई बनवायची तसं घरगुती पद्धतीचे लोणचं...

आम्ही मुंबईकर

Search This Blog